Околу еден час ми трае патувањето од Скопје, до роднините во Крива Паланка, нешто што редовно го правам. А помалку од еден час, нешто што секој од нас може и треба да си го дозволи, трае овој документарен филм
[https://youtu.be/U8q2IEj-j24].
Деновиве изгледав неколку прилози снимени во нашите клиники, секоја чест за авторите, па посакав да погледнам нешто и од странство.
Во овој документарец, екипата добила комплетен пристап до болница во епицентарот на заразата во еден од италијанските региони. Резултатот е еден филм од кој се заледува крвта, но филм кој точно ја прикажува нераскажаната страна на вирусот, онаа од болничките ходници.
А за нас, истиот нека биде лекција. Погледнете го и знајте дека вирусот не е никаде заминат, барем засега не смееме да се опуштиме. Да останеме присебни и цврсти во борбата, бидејќи иако ја добиваме, таа сè уште не е завршена
Од нас зависи, сите да помогнеме во борбата со коронавирусот. Само со почитувањето на 3 едноставни правила се штитиме себе и здравјето на другите:
1. Одржувај физичка дистанца од 1,5 до 2 метри
2. Задолжително носи заштитна опрема
3. Често миј ги и дезинфицирај ги рацете
