За време на престојот во Струмица проф. д-р Зоран Шапуриќ,министер задолжен за регулатива за подобрување инвестициска клима за домашни претпријатија посети повеќе компании кои добија финасиска поддршка за инвестици во нова опрема и нови технологии, производни хали и друга производна инфраструктура, за подигнување на конкуретноста, истражување и развој и за вработувања на нови работници со плата повисока од 18.000 денари, согласно владините мерки за економски раст. Притоа, Шапуриќ се запозна со плановите за развој на овие компании, но и со проблемите во новното работење.
Исто така, тој посети и неколку компании кои имаат намера од следната година да аплицираат за подршка согласно Законот за финансиска поддршка на инвестиции и ги охрабри и сите компании да продолжат да инвестираат, бидејќи еден од главните столбови на економскиот раст е токму порастот на индустриското производство кое е повисоко за повеќе од 6 проценти во првата половина на оваа година во споредба со истиот период лани.
На средбите со менаџментот на повеќе струмички компании заеднички е констатирано дека забрзувањето на процесите на патот на Република Македонија кон полноправно членство кон Евроспката унија и НАТО, силно ќе влијае на економскиот раст, бидејќи ќе станеме дел од единствениот европски пазар од 520 милиони потрошувачи и многу позасилен и полесен пристап до европските финасиски фондови. Струмичките стопанственции како пример ја посочија соседната Бугарија каде по полноправното членство на Бугарија во ЕУ, голем број на бугарски компании со кои тие соработуваат доживеале интезивен раст.
Шапуриќ за време на посетатат на Струмица имаше и средба со градоначалникот Коста Јаневски, каде што беа сумирани резултатите од нивната досегашна заедничка активност на промоција и поддршка на струмичките компании, како и за идните активности заеднички да ги охрабрат струмичките компании да инвестираат и да ги користат владините мерки за финсиска подршка на инвестиции и за економски раст. Исто така, Јаневски го запозна Шапуриќ со активностите на општината во инфраструктурни проекти кои ќе влијаат на подобрување на бизнис климата во струмичкиот регион. Јаневски нагласи дека подршката на државата за намалување на долгови на општините ќе влијае за поефикасно работење на општините.
