„Гугл Асистент“ е виртуелен асистент кој користи вештачка интелигенција и е достапен за сите паметни телефони со Андроид 6.0 или повисоки верзии на платформата.
Услугата е легитимен одговор на компанијата на популарните понуди, како што се „Сири“ и „Амазон Алекса“.
Во случај ако сте го тестирале „Гугл Асистент“ веројатно сами сте се убедиле колку е лесно да откривате содржина, да испратите порака, да поставите алармот, додадете настани во календарот и друго само со вашиот глас.
Компанијата сега верува дека до крајот на годината ќе дозволи 95 проценти од уредите на Андроид да ја користат услугата. Претстојното ажурирање, исто така, значително ќе го зголеми бројот на јазици поддржани од „Гугл Асистент“, објави „ТекКранч“.
Во моментов, виртуелниот асистент е во состојба да ги разбере зборовите на осум јазици, но до крајот на 2018 година ќе работи на повеќе од 30 јазици. Тие вклучуваат дански, холандски, шведски, норвешки, хинду, неколку кинески дијалекти и други.
На овој начин, „Гугл“ се надева дека ќе добие важна предност над своите конкуренти, бидејќи бројот на луѓе кои користат Андроид е многу поголем од сопствениците на ајОС уредите и звучниците на „Амазон Еко“. Компанијата ќе продолжи да го проширува опсегот на функционалноста на „Асистент“ за да го направи уште покорисен за корисниците.
Како заклучок, ќе забележиме дека „Сири“ на „Епл“ засега разбира 20 јазици, а „Алекса“ само англиски, германски и јапонски.
