Ќе направиме натпревар за најдобри едукативни идеи за средношколци- “НЕШ”, во чест на нашиот другар Небојша Трпковски, со награден фонд од 60.000 денари кој ќе оди директно за учениците.
Деновиве ќе објавиме официјален повик. Да го продолжиме ликот и делото, а најважно иновациите на Неше. Altius.mk ќе ја има честа да го организира овој натпревар, објави вчера Бобан Милошевски, сопственик на Бизнис каталог.
Небојша Трпковски почина на 42 годишна возраст од компликации од Ковид-19.
Како директор на државно средно училиште – Регионален центар за стручно образование и обука „Моша Пијаде“ – Тетово, Небојша Трпковски го спроведе процесот на преминување на училиштето во регионален центар.
