Министерот за внатрешни работи Оливер Спасовски и министерот за внатрешни работи на Унгарија Шандор Пинтер денеска во Будимпешта потпишаа Договор меѓу Владата на Република Македонија и Владата на Унгарија за полициска соработка. Овој договор има за цел продлабочување на соработката меѓу полициите на двете држави, со цел да се делува поефикасно во сузбивањето на меѓународниот криминал, со акцент на поефикасна борба против тероризмот, организираниот криминал, недозволената трговија со дрога, илегалната миграција и др. и се делувало поефикасно во сузбивањето на меѓународните опасности по јавната безбедност, како и во сузбивањето на меѓународниот криминал со акцент на поефикасна борба против тероризмот, организираниот криминал, недозволената трговија со дроги, психотропни супстанци и прекурсори, илегалната миграција и други кривични дела.
-Денеска во име на двете влади на нашите држави потпишавме договор за меѓусебна полициска соработка со кој нашата соработка се проширува. Сузбивањето на организираниот криминал, нелегалната трговија со дроги, илегалната миграција и борбата против тероризмот се прашања кои ги надминуваат националните граници на нашите држави, затоа што криминалот не познава граници. Ова се глобални закани, кои бараат и глобален пристап и заедничко дејствување на сите земји. Со договорот се обврзавме дека нашите службеници ќе дејствуваат и ќе си помагаат во оперативните активности, согласно нивните надлежности. Навремена и точна размена на информации и податоци, спроведување на оперативно-истражни дејствија, редовни работни средби, размена на експерти, се само дел од точките за кои се сложивме дека ни се неопходни- рече министерот Спасовски по средбата со унгарскиот министер.
Министерот Спасовски му се заблагодари на колегата Пинтер, но и на Владата на Република Унгарија за досегашната помош и поддршка на Република Македонија во справувањето со мигрантската криза.
-Иако кризата е надмината, сепак нашите колеги заедно со полициските службеници од другите земји членки на Унијата се присутни на јужната граница и вршат постојана контрола и надзор. Ваквите соработки се доказ дека принципот на солидарност земјите-членки на Унијата го применуваат и кон земјите кои не се членки, но имаат цврста европска определба- рече министерот Спасовски.
