Денеска, по повод 16-тиот роденденот на Општината, во паркот „Авионче“, пред поставеното изложбено плато на отворено под наслов „Минато, сегашност, иднина“, со огромно задоволство им доделив признанија на заслужни жители на Општина Аеродром за 2020 година:
– Алексеј Тасиќ, ученик во деветто одделение од ООУ „Ѓорѓија Пулевски“, кој на 14 години освои златен медал на Меѓународната иранска геометриска олимпијада;
– Игор Ангеловски, селектор на Фудбалската репрезентација на Република Северна Македонија, кој за првпат ја однесе нашата земја на европското првенство;
– Прим. д-р Жарко Караџовски, претседател на Комисијата за заразни болести при Министерството за здравство, кој неуморно и храбро ја предводи битката против пандемијата КОВИД-19.
По повод роденденот на Општината, со своето присуство чест ни направија градоначалникот на Градската општина Палилула од Ниш, Братислав Вучковиќ, со кого ќе потпишеме меморандум за соработка, и Предраг Умиќевиќ, инженер за заштита на животната средина од Смедерево, кој ќе сподели искуства од оваа област.
