Српската премиерка Ана Брнабиќ синоќа изјави дека е неопходна реконструкција на нејзината Влада за да може таа да функсионира како тим, најавувајќи дека за ова прашање во најкус можен рок ќе разговара со претседателот на Србија, Александар Вучиќ.
– Штом претседателот Вучиќ се врати од Брисел ќе го замолам да разговараме за реконструкција на Владата и за персоналните решенија, изјави Брнабиќ.
Според најавите, Вучиќ во Брисел ќе престојува в петок на средба со косовскиот претседател Хашим Тачи во рамки на дијалогот меѓу Белград и Приштина, што се води со посредство на ЕУ.
Брнабиќ нагласи дека Владата треба да функционира како тим “без суети и промовирање нечии лични агенди“.
– Мора да бидеме тим, бидејќи без тим нема резултати. Или ќе имаме реултати или јас не морам да бидам претседателка на Владата, нагласи Брнабиќ., додавајќи дека ја прифатила таа функција на молба на Вучиќ.
