![Документарен филм за млади музичари од земјите на поранешна Југославија](https://revolucioner.press/wp-content/uploads/2018/03/Документарен-филм-за-млади-музичари-од-земјите-на-поранешна-Југославија.jpg)
![](https://revolucioner.press/wp-content/uploads/2024/02/422216833_2598500080316645_670047320584009248_n-300x300.jpg)
Документарен филм „Недовршена симфонија/Регионална детска филхармонија” на авторката Оливера Милош Тодоровиќ ќе биде промовиран денеска напладне во концертната сала на средното музичко училиште „Илија Николовски-Луј”.
Во филмот учествуваат осумдесет талентирани млади музичари од Македонија, Србија, Црна Гора, Босна и Херцеговина, Хрватска и од Словенија.
– Тие ги споија својот талент и посветеност на музиката и овој филм е пример за соработка во регионот. Дали новите генерации го имаат потенцијалот да ги променат стереотипите на нивните родители?, наведува ДМБУЦ „Илија Николовски-Луј” најавувајќи ја премиерата на филмот.
Досега тој е прикажан во Белград и Загреб каде по проекциите имаше дискусија со учество на познати личности. На денешната дискусија во Скопје ќе учествува актерката Јана Стојановска. Влезот на проекцијата е слободен.
![](https://revolucioner.press/wp-content/uploads/2024/02/Screenshot-2024-02-11-at-15-36-18-MTEL-MK-@mtel_mk-•-Instagram-photos-and-videos-300x300.png)
![](https://revolucioner.press/wp-content/uploads/2024/02/1662372752621-300x300.jpg)