![nadgroben](https://revolucioner.press/wp-content/uploads/2018/03/nadgroben-696x541.png)
![](https://revolucioner.press/wp-content/uploads/2024/02/422216833_2598500080316645_670047320584009248_n-300x300.jpg)
Романски државјанин не успеа во локалниот суд во градот Васлуј да докаже дека е жив. Имено, 63-годишниот Константин Релиу побара од судот да го признае за жив, но ја загубил битката.
Судската одлука е конечна, а образложението на Судот гласи дека барателот задоцнил со жалбата.
Релиу заминал на работа во Турција во 1992 година и загубил секаков контакт со семејството во Романија. Откако сосем се прекинале врските, неговата сопруга побарала и добила посмртница за него во 2016 година.
Турските власти годинава го фатиле Релиу со документи со изминат рок и го депортирале во родната Романија. Таму дознал дека е официјално прогласен за починат.
– Официјално сум мртов, иако сум жив. Немам приходи и поради тоа што сум регистриран како починат, не можам да најдам работа, вели несреќниот Романец.
![](https://revolucioner.press/wp-content/uploads/2024/02/Screenshot-2024-02-11-at-15-36-18-MTEL-MK-@mtel_mk-•-Instagram-photos-and-videos-300x300.png)
![](https://revolucioner.press/wp-content/uploads/2024/02/1662372752621-300x300.jpg)