Тренерот на Динамо Загреб, Зоран Мамиќ, е позитивен на коронавирусот, објавија денеска од хрватскиот клуб. Соопштија дека еден од фудбалерите е заразен од вирусот, како и двајца од стручниот штаб, меѓу кои е и Мамиќ.
„Динамо ја известува јавноста дека тестирањата на Ковид-19 покажаа позитивен еден играч од првиот тим и двајца членови на стручниот штаб, меѓу кои е и главниот тренер Зоран Мамиќ. Наведените почувствувале благи симптоми по враќањето од Русија и упатени се на тестирање, кое за нив се покажа позитивно“, стои во соопштението од клубот.
Актуелниот шампион на Хрватска задутре игра против австриски Волфсбергер во рамките на Лига Европа, а Мамиќ нема да биде на клупата на овој меч.
