Во организација на Регионалната иницијатива за рурална соработка (The Regional Rural Development Standing Working Group in South Eastern Europe – SWG), од денеска до сабота во Скопје ќе се одржува „Винска школа“.
Предавачи, како што најавуваат организаторите, ќе бидат искусни експерти од областа на руралните политики, иновативните земјоделски практики и лозарството од земјава и од странство.
SWG е меѓувладина организација, основана 2005 година на Земјоделскиот политички форум, како платформа за политички дијалог и соработка во областите – рурална политика и развој и земјоделие. Во иницијативата се вклучени државните институции надлежни за овие области на Македонија, Молдавија, Босна и Херцеговина, Србија, Албанија, Црна Гора и Република Српска.