Денеска го добив резултатот од вториот тест на коронавирус и тој е негативен, објави премиерот Оливер Спасовски на „Фејсбук“, и се заблагодари за поддршката што ја добил во времето минато во изолација.
„Останува и понатаму да внимаваме и да ги почитуваме мерките. Да носиме заштитни маски, да држиме физичка дистанца од два метра, да се чуваме, а со тоа да ги чуваме и другите“, порача премиерот додавајќи дека само со заеднички придонес полесно и побргу ќе ја добиеме битката со Ковид-19.
