Онаа до која ќе се разбудиш
Онаа која прво видело во денот ќе ти е
Онаа која со милост во очите те гледа
Онаа која ќе премолчи кога бесен си
Онаа која бдее кога болен си
Онаа која попатно ќе те погали по лице
Онаа која вратоврската ќе ти ја подмести
Онаа која постелата топла ќе ја одржува
Онаа која никој друг не забележува
Онаа која од куќата дом ќе ти стори
Онаа која те чека со страст
Онаа која ноктите во твојот грб ги зарива
Онаа која ти кажала ДА
Онаа која тебе пред себе те става
Онаа која твојот успех горда ја прави
Онаа која неуспесите со бакнеж ти ги лекува
Онаа која името дур во неа си ти го шепоти
Онаа која порака ти праќа дека и’ недостасуваш
Онаа која трпезата ти ја спрема
Онаа која со часови те слуша
Онаа која те знае како дишеш
Онаа која без тебе не диши
Онаа која те љуби оти нејзин си
Онаа која слабостите ти ги поднесува
Онаа која за тебе свилена ноќница става
Онаа која на твојот збор се радува
Онаа која кога си на пат по тебе тагува
Онаа која заради тебе сокови пушта
Онаа која само крај тебе жена е
Онаа која те остава маж да бидеш
Онаа која и во кавга не те навредува
Онаа која во тебе својот одраз го гледа
Онаа која во твојата сенка се одмара
Онаа која никогаш не те изневерила
Онаа која знаеш дека твоја е
Онаа која раката и во сон ти ја бара
Онаа чија топлина грее и во зима
Онаа која до тебе стоела
Онаа која со тебе останала
Онаа која покрај тебе ќе остане
Онаа која староста до тебе ќе ја дочека
Онаа…таа
Која за тебе светот ќе го преврти
Онаа…таа
Која за тебе таксана била
Онаа…таа
За која таксан си бил
И со која на вечност си се заколнал
Онаа…таа
Без која никогаш нема си ТИ
Ана Бунтеска
