Четврта година со ред Македонија со најнизок економски раст во регионот. Светска банка прогнозира во 2024 та да изнесува скромни 2, 5 проценти. Ова е далеку пониско од владината проекција со која се очекува тој да биде 3, 4 отсто. Но, земјава се бори и со висок буџетски дефицит еден од подлабоките во регионот. Од банката очекуваат главен двигател на растот да биде градежништвото.
И ОВАА ГОДИНА ВО СЕВЕРНА МАКЕДОНИЈА ОЧЕКУВАМЕ ИЗГРАДБА НА АВТОПАТИ И ТИЕ БИ ИМАЛЕ ГОЛЕМ ПРИДОНЕС ЗА РАСТОТ И ОВАА БИ БИЛА ГОДИНАТА КОГА БИ СЕ НАДЕВАЛЕ ДЕКА ЌЕ ВИДИМЕ ТОЈ ПРИДОНЕС ДА СЕ ПОЈАВИ. ТАКВО НЕШТО НЕМАШЕ ЛАНИ ЗАТОА ШТО ИМАШЕ ДОЦНЕЊЕ НА ЕКСПРОПРИЈАЦИЈА НА КОРИДОРИТЕ И СЕ НАДЕВАМЕ ДЕКА ОВОЈ ПРОБЛЕМ ЌЕ БИДЕ РЕШЕН, ВЕЛИ – САЊА МАЏАРЕВИЌ -ШУЈСТЕР ОД СВЕТСКА БАНКА
Од Светска банка предупредуваат дека растот на платите може да ја подгрее инфлацијата. Но сметат дека за да се ублажи ударот од ценовни шокови, замрзнувањето на цените не се добра опција.
ТОА Е КРАТКОРОЧНА НЕ Е СТРУКТУРНА МЕРКА КОЈА МОЖЕ ДА СЕ КОРИСТИ ЗА ДОЛГ ВРЕМЕНСКИ ПЕРИОД ТОА Е НАЧИН НА КОЈ ПРИВРЕМЕНО ОДНОСНО ВЕШТАЧКИ ОДРЖУВАТЕ НЕКОЈ ПЕРИОД. И ПОКРАЈ ТОА ШТО БЕШЕ МЕРКА КОЈА ПОМОГНА ДА СЕ ОДРЖИ ЖИВОТНИОТ СТАНДАРД НА НАСЕЛЕНИЕТО ВО ЗЕМЈАВА ОСОБЕНО ВО ПОСИЛНИОТ РАСТ НА ЦЕНИТЕ, ТОА НЕ Е МЕРКА КОЈА МОЖЕ ДА СЕ КОРИСТИ НА ДОЛГ ПЕРИОД, ВЕЛИ ЈОАНА МАЏОСКА ОД СВЕТСКА БАНКА
Ниту субвенциите за струја не дале значајни резултати. За банката тоа е трошок, со кој не се промениле навиките на луѓето.
ВО ЗЕМЈАТА ВО КОЈА ЈАС ЖИВЕАМ ИМАВМЕ ЗГОЛЕМУВАЊЕ ОД 20 ПРОЦЕНТИ. МОЈАТА ЛИЧНА СМЕТКА ЗА СТРУЈА СЕГА Е ЗА 50 ОТСТО ПОГОЛЕМА ОД 2021 ГОДИНА НО НИЕ МНОГУ ВНИМАВАМЕ КАКО ЈА КОРИСТИМЕ СТРУЈАТА, ТАКВА ПРОМЕНА НА ОДНЕСУВАЊЕ НЕ СУМ ВИДЕЛА ТУКА, ДОДАВА МАЏАРЕВИЌ ШУЈСТЕР.
Бидејќи ова е изборна година од банката не очекуваат да има спроведување на реформите кои се важни за евроинтеграциите.
Освен Македонија и Босна и Херцеговина, другите земји во регионот се очекува да имаат раст над 3 проценти, а највисок ќе биде во Косово.
