Не бранувај
Немај свое мислење
Не влегувај во свет
Во кој мажот владее
Покори се и биди тивка
Биди одмерена
Што и да значи тоа
Не се бунтувај
Остави да се грижат за тебе
Оние кои не те познаваат
Оние кои најмалку знаат
За што ти пати душата
Терај си ги женските работи
Има кој да мисли наместо тебе
Има кој да одлучи
А тоа никогаш не треба да си ти
А сега земи лист хартија
И напиши се’ што треба да правиш
Молчи
Готви
Биди столб
Негувај се за си некому убава
Заработувај помалку
Жртвувај се за неговата кариера
Искини го листот
Или уште поарно
Сврти нов
И стави си го животот на него
Она што си ти
А не она што треба да бидеш
Оти местото ти е секаде
И подеднакво важна си
Како оној кој до тебе е
Сврти нов лист
На кој ќе се испишеш себе
Твоите желби
Потреби
Соништа
Врами го и почни да живееш
Токму онака како што ти вели срцето
На начин на кој сакаш и ти прилега
Храбро
Оти жена си
Достоинствено
Оти жена си
И крени го гласот
За да кажеш НЕ
За да кажеш ДА
За да кажеш ДОСТА Е
За твоето САКАМ да се чуе до небото
Оти жена си во свет во кој
Борбата никогаш не завршува
За да кажеш МОЖАМ, оти жена сум
Ана Бунтеска
